АИТВ инфекциясының алдын алу орталығының дәрігер-эпидемиологы Астана қаласы білім басқармасымен бірлескен іс-шаралар жоспары аясында 9-11 сынып оқушылары арасында № 28 мектеп-лицейінде дәріс өткізді. Іс-шара өскелең жастардың АИТВ инфекциясының алдын алу мәселелері бойынша хабардарлығын арттыруға бағытталған.
Дәріс барысында маман АИТВ-ның негізгі берілу жолдары және инфекциядан қорғаудың тиімді шаралары туралы айтып берді.
Салауатты өмір салтын ұстану, өз денсаулығына және басқалардың денсаулығына жауапкершілікпен қарау жас ұрпақ үшін өзекті міндеттер болып табылады. Алынған білім саналы және жауапты мінез-құлықты қалыптастыруға ықпал етеді.
