Астана қаласының № 7 және 18 мектеп-гимназиялардың 9-11 сынып оқушыларына АИТВ-инфекциясының алдын алу бойынша дәріс өткізілді.
АИТВ-инфекциясының алдын алу орталығының алдын алу бөлімінің мамандары өз сөзінде келесі тақырыптарға тоқталды: вирустың таралу жолдары, сақтық шаралары және ерте диагностиканың маңыздылығы туралы.
АИТВ туралы мифтерді жоюға ерекше назар аударылды. Жастар вирустың қалай таралатыны туралы ғана емес, сонымен қатар оны жұқтыру мүмкін остігі туралы да білді - мысалы, қол алысу, тамақ немесе жәндіктердің шағуы арқылы.
Дәріс барысында қатысушылар өздерін толғандыратын сұрақтарға жауаптар, сондай-ақ АИТВ-ға тегін және жасырын тестілеу туралы ақпарат алды. Мамандар АИТВ-мен өмір сүретін адамдарға төзімділіктің маңыздылығын атап өтті.
- Мұндай кездесулер ақпараттандыру деңгейін арттыруға ықпал етеді және жастардың өз денсаулығына және айналасындағылардың денсаулығына жауапкершілікпен қарауын қалыптастырады. Алынған білім оқушыларға қауіпсіз мінез-құлықтың пайдасына саналы таңдау жасауға көмектеседі деп сенемін, - деп атап өтті мамандар.
Дәріске 300-ден астам оқушы қатысып, ақпараттық-білім беру материалдары таратылды.
