Қалалық АИТВ-инфекцияның алдын алу орталығының профилактика бөлімінің эпидемиолог дәрігері А. Идрисова №47 және №91 мектеп-гимназияларының орта және жоғары сынып оқушыларына «АИТВ-инфекциясының алдын алу. Неліктен жасөспірімдермен сөйлесу маңызды?» тақырыбында дәрістер өткізді.
Дәрістер барысында адамгершілік және жыныстық тәрбие мәселелері қарастырылды. Оқушыларға жыныстық жолмен берілетін инфекциялар (ЖЖБИ), соның ішінде АИТВ-инфекциясының берілу жолдары және олардың алдын алу шаралары туралы ақпарат берілді.
Жеке назар жасөспірімдер мен жастардың АИТВ-инфекциясына шалдығу бойынша қаупті топқа жататынына аударылды. Бұл олардың ересек өмірге қадам басқан кезде жыныстық мінез-құлықтағы түрлі тәжірибелер кезеңінен өтуімен, сондай-ақ психоактивті заттарды қолданумен байланысты болуы мүмкін екенін айтылды.
АИТВ-ның алдын алу шаралары қарапайым екені атап өтілді: алдын алу жөнінде ақпараттандыру, жыныстық қатынасты бастау уақытын саналы әрі жетілген жасқа шегеру жеке гигиена ережелерін сақтау, есірткі мен алкогольден бас тарту.
Іс-шара соңында қатысушыларға ақпараттық-білім беру материалдары таратылды. Дәрістерге барлығы 340 адам қатысты.
