Астана қаласындағы кең ауқымды акция
2024 жылғы 5 желтоқсанда Астана қаласының Қоғамдық денсаулық сақтау басқармасы мен АИТВ-инфекциясының алдын алу орталығы елорда тұрғындары мен қонақтары үшін Дүниежүзілік ЖИТС-ке қарсы күрес науқаны аясында «Хан Шатыр» сауда-ойын-сауық орталығында «Шаг будущее», «Жизнь вопреки», «Human Health Institute» үкіметтік емес ұйымдардың, «Астана» медицина университеті, ЖОО, колледж студенттері, Астана қаласының жалпы білім беретін мектептерінің жоғары сынып оқушыларының қатысуымен «Дұрыс жолды – адам құқықтарының жолын таңда» ұранымен акциясын өткізді.
Астана қаласының тұрғындары № 6 емханада АИТВ-ға жедел тестілеу мүмкіндігін пайдаланды
«Дұрыс жолды таңда, адам құқықтары жолы» ұранымен Ашық есік күні 2024 жылдың 4 желтоқсанында Астана қаласының «№ 6 қалалық емхана» ШЖҚ МКК өтті. Ашық есік күні бекітілген халықтың АИТВ және АИТВ-ға тестілеу бойынша қосымша ақпаратқа қол жеткізуі мақсатында ұйымдастырылды.
Елордадағы «Бәйтерек» монументі қызыл түске боялған
Елордада Дүниежүзілік ЖИТС – ке қарсы күрес науқаны аясында «дұрыс жолды таңдаңыз – адам құқықтары жолы» ұранымен өткен іс-шаралар аяқталуда, оның бірі қаланың көрікті жерлерін қызыл түспен, халықаралық ынтымақтастық символы мен ЖИТС-пен күреске деген адалдықтың түсімен-қызыл лентамен жарықтандыру болды. Елорда тұрғындары мен қонақтары «Бәйтерек» монументі және «Хан-Шатыр» ССО ғимаратының қызыл шамдармен жарқырап тұрғанына куә болды, ал ЭКСПО «Нұр-Әлем» сферасында және «Қазақстан темір жолы» ғимаратының қасбетінде атаулы күнге арналған бейнероликтер орналастырылды.
Республикалық медицина академиясында өткен «Живая библиотека» кездесу
2024 жылғы 3 желтоқсанда Дүниежүзілік ЖИТС-пен күрес күніне арналған іс-шаралар жоспарын іске асыру мақсатында «Живая библиотека» жобасы аясында республикалық медицина академиясының студенттерімен кездесу өтті. Кездесуді ұйымдастырушылар АИТВ-инфекциясының алдын алу орталығы, «Жас толқын» жастар денсаулық орталығы және «Жизнь вопреки» ҚҚ. Кездесудің тақырыбы «Зорлық-зомбылықтың алдын алу» Дүниежүзілік науқанның «Дұрыс жолды -адам құқықтарының жолын таңда!» ұранымен үндес.
Агротехникалық университет студенттерінің форумы
«Дұрыс жолды - адам құқықтарының жолын таңда!» ұранымен Дүниежүзілік ЖИТС-пен күрес күні аясында «АИТВ-ға байланысты стигма жоқ» жобасы шегінде «Шеврон" ның қолдауымен Жыныстық және репродуктивті денсаулық жөніндегі Қазақстандық қауымдастығы (КМПа) Астана қаласының АИТВ-инфекциясының алдын алу орталығымен бірлесіп С.Сейфуллин атындағы Қазақ агротехникалық университетінің студенттеріне форум ұйымдастырды.
