2015 жылдың 27 наурызында Гумилев Л.Н. атындағы Евразиялық Ұлттық Университетінің конференц-залында «АИТВ/ЖИТС-тың алдын алу, қазіргі жастардың адамгершілік және отбасылық құндылықтарын қалыптастыру» тақырыбына дөңгелек үстел өткізілді. ЖИТС орталығының маманы қаладағы АИТВ-жұқпасы бойынша эпидемиологиялық жағдайды баяндады.
2015 жылдың 14 наурызында ҚР Денсаулық сақтау және әлеуметтік даму министрі Тамара Дүйсенова АИТВ/ЖИТС жөніндегі БҰҰ Бірлескен бағдарламасының Шығыс Еуропа және Орталық Азия елдері бойынша Ізгі ниет елшісі, әнші, актриса және тележүргізуші Вера Брежневамен кездесті. Кездесуде министр атап өткендей, Қазақстан Шығыс Еуропа және Орталық Азия елдері ішінде АИТВ-инфекциясы аз тараған елдердің қатарына жатқызылады. Қазіргі уақытта республикада АИТВ-инфекциясы бойынша эпидемиологиялық ахуал тұрақты. Республикада осы кезге дейін ел азаматтары арасында 22109 АИТВ-инфекциясы жағдайы тіркелді.
2015 жылдың 12 наурызында Астана қ. «ЖИТС-тың алдын алу және оған қарсы күрес орталығы» МКҚК, «Сапалы денсаулық сақтау» USAID жобасымен бірігіп «БАҚ-да АИТВ тақырыбында» журналистерге арналған семинар-тренинг өтті. Іс-шара мақсаты - журналистердің біліктілігін арттыру, ақпарат көздерімен жұмыс жасау дағдыларын кеңейту. Бұл тренинг «Сапалы денсаулық сақтау» USAID жобасының ұйымдастырылған қолдауы арқылы өткізілді. ЮНЕСКО медиатренері АИТВ/ЖИТС мәселесін журналистерге баяндау жөнінде бірінші қазақстандық мультимедиялық әдістеменің авторы М. Максимова өзінің тәжірибесімен бөлісуге келісті.
ЖИТС орталығы орта және үлкен бизнес құрылымдарының кәсіпкерлерінің арасында «АИТВ/ЖИТС бизнеске әсері» көрсеткіші бойынша, Астана қаласының мемлекеттік кіріс Департаментімен бірігіп, ақпараттандыруды жоғарлату алдын алу жұмыстарын жалғастыруда.
- Вы здесь:
-
Главная
- Главная страница (2)
